Në një adresim për media, Vuçiq u shpreh se ai dhe partia e tij i kanë fituar këto zgjedhje, por që i kanë humbur disa vota “për shkak të krizës në Ukrainë”.
“Për këtë jam edhe unë fajtor që disa vota kanë shkuar ‘djathtas’. Sipas rezultateve tona lista ‘Së bashku mundemi gjithçka’ ka fituar 44 për qind të votave në zgjedhjet parlamentare”, shtoi Vuçiqi, përcjell B92.
Ndryshe, sipas rezultateve preliminare të publikuara nga organizatat joqeveritare në Serbi “IPSOS/CeSid”, ai i ka fituar zgjedhjet për president më 59.8 për qind të votave.
Ndërkaq, sipas raportimeve të medieve në Serbi, deri në orën 8 të së hënës, janë numëruar mbi 80 për qind të votave.
