Kryetari aktual i Komunës së Gjilanit, Alban Hyseni, ka falënderuar qytetarët për pjesëmarrjen dhe kulturën e treguar gjatë procesit zgjedhor të mbajtur sot.
Përmes një postimi në Facebook, Hyseni ka vlerësuar lart qytetarinë dhe përgjegjësinë e treguar nga banorët e Gjilanit gjatë ditës së votimit.
“Të dashur qytetarë të Gjilanit, sot e dëshmuat edhe një herë tjetër që qytetaria dhe përgjegjësia janë pjesë e qytetit tonë,” ka shkruar ai.
Ai shtoi se pjesëmarrja e qytetarëve dhe sjellja gjatë votimit janë dëshmi e dashurisë dhe respektit për qytetin.
“Pjesëmarrja juaj në këtë proces zgjedhor dhe kultura gjatë votimit është dëshmia më e madhe për dashurinë dhe respektin për qytetin tonë,” thuhet më tej në postimin e Hysenit.
Kreu i komunës bëri thirrje për maturi dhe qetësi gjatë procesit të numërimit të votave.
“Tashmë vendvotimet janë mbyllur dhe presim me maturi numërimin e votave, të cilat do të reflektojnë vullnetin tuaj. Faleminderit me zemër!”, përfundon postimi i tij.
Procesi zgjedhor në Gjilan është zhvilluar në një atmosferë të qetë dhe pa incidente të raportuara deri më tani.
