Skuadra nga Serie A e Italisë, Udinese ka bërë një lëvizje të papritur duke u forcuar me futbollistin David Alaba.
Alaba të enjten ka kaluar me sukses testet mjekësore dhe me Udinesen ka firmosur kontratë deri në fund të këtij sezoni, me opsionin e vazhdimit edhe për një vit tjetër.
Ai te skuadra italiane është transferuar si futbollist i lirë pasi në fund të muajit qershor i skadoi kontrata me Real Madridin, ekip për të cilin luajti për pesë sezone.
Në prezantimin e 34-vjeçarit, Udinese ka bërë të ditur se ekipit i bashkohet një kampion i vërtetë si Alaba, i cili do të shtojë përvojë dhe lidership.
Për Alaban, zhvendosja në Serie A të Italisë do të jetë një aventurë e re në karrierën e tij të pasur dhe të suksesshme.
Krahas Real Madridit, Alaba ka luajtur edhe në Bundesligë të Gjermanisë, ku ka bartur fanellën e Bayern Munchenit e Hoffenheimit.
