Al Nassr është ekipi i parë që është kualifikuar në finale të Superkupës Saudite, pasi të martën në gjysmëfinale eliminoi Al Ittihadin.
Ndeshja e luajtur në “Hong Kong Stadium”, ka përfunduar me fitoren 2:1 të Al Nassr edhe pse ishte me një futbollist më pak në fushë.
Sadio Mane në minutën e 10-të, kaloi Al Nassr në epërsi përpara se të përjashtohet direkt me karton të kuq në minutën e 25-të.
Steven Bergëijn gjashtë minuta më vonë barazoi shifrat, duke shënuar për Al Ittihadin, por në pjesën e dytë Al Nassr shënoi golin e fitores.
Ishte portugezi Joao Felix, i cili realizoi në minutën e 61-të pas asistimit të Cristiano Ronaldos.
Tek Al Ittihadi gjatë tërë ndeshjes luajti mbrojtësi i Kombëtares së Shqipërisë, Mario Mitaj.
Në finale e Superkupës Saudite, Al Nassr pret fituesin e gjysmëfinales tjetër, asaj ndërmjet Al Qadisiya dhe Al Ahli që luhet të mërkurën.
