Ylli argjentinas, Lionel Messi ka gjasa të mëdha që karrierën ta vazhdoj në Arabinë Saudite.
Në fakt, Messi ende nuk ka vendosur për të ardhmen e tij, duke pasur parasysh se kontrata me Inter Miamin i skadon në fund të këtij viti.
38-vjeçari duhet të marrë vendim nëse do ta vazhdoj kontratën me ekipin amerikan apo të transferohet në Arabinë Saudite.
Skuadra saudite, Al-Ahli është e vendosur të bëjë çdo gjë që është e mundur për ta bindur Messin që të zhvendoset në Lindjen e Mesme.
Në të vërtetë, raportohet se Al-Ahli ka nisur bisedimet me Messin dhe mbetet të shihet se cili do të jetë vendimi i argjentinasit.
Para dy vjetësh, Messi vendosi për ofertën nga SHBA-ja, përpara asaj nga Arabia Saudite.
