Lajmin për teve1.info e ka konfirmuar zëdhënësi i Policisë së Kosovës, Bajram Krasniqi, i cili bëri të ditur se në aksident ishin përfshirë tri automjete, dy kamionë dhe një furgon.
Ndërkaq, ai ka njoftuar se si pasojë e aksidentit, drejtimi i rrugës Prishtinë – Pejë për momentin është i bllokuar.
“Në ora 18:50, policia është njoftuar për një aksident trafiku të ndodhur në rrugën nacionale Prishtinë-Pejë (fshati Komoran). Njësia policore nga vendi i ngjarje njofton se në aksident janë përfshirë tri automjete (dy kamionë e një furgon). Deri në këtë moment ndihmë mjekësore kanë kërkuar katër persona të lënduar. Drejtimi i rrugës Prishtinë-Pejë për momentin është i bllokuar”, tha Krasniqi./teve1.info/.
