Një aksident në mes të trenit dhe një veture private ka ndodhur mëngjesin e së premtes, raporton teve1.info
Sipas pamjeve të siguruara nga Tëvë1, aksidenti ka ndodhur në Zonën Industriale në Fushë-Kosovë, derisa nuk ka persona të lënduar.
Sipas zëdhënëses së Policisë së Kosovës për Rajonin e Prishtinës, Flora Ahmeti, në aksident janë shkaktuar vetëm dëme materiale.
“Sot rreth orës 08:00 kemi pranuar informatën për një aksident trafiku në zonën industriale në Prishtinë. Në këtë aksident ka qenë i përfshirë një tren dhe një automjet. Si pasojë e aksidentit janë shkaktuar vetëm dëme materiale”, ka thënë Ahmeti.
