Asociacioni i Gazetarëve të Kosovës ka reaguar pasi në mbledhjen e sotme të Komisionit të Pavarur të Mediave u zgjodh kryetari i ri, Besnik Berisha, disa ditë para skadimit të mandatit të kryetarit aktual, Jeton Mehmeti.
Sipas AGK-së votimi i sotëm është përpjekje për të hapur për politizimin dhe instrumentalizimin e KPM-së për interesa të partisë në pushtet.
“Zgjedhja e Besnik Berishës për kryetar të KPM-së ngre pikëpyetje ligjore për mënyrën e ndryshimit të Rregullores së KPM-së, e cila parasheh që kryetari i ri zgjidhet në mbledhjen e parë pasi t’i ketë skaduar mandati ose të jetë shkarkuar kryetari aktual. AGK-ja e sheh votimin e sotëm si përpjekje të hapur për politizimin dhe instrumentalizimin e KPM-së për interesa të partisë në pushtet, duke u bazuar në qëndrimet publike të iniciatorëve për ndryshimet e sotme”, thuhet në reagimin e AGK-së./teve1.info/
