Këtë deklaratë, Abrashi e dha në emisionin “Info Nata” në Tëvë1. Sipas tij, çdo bllokim i procesit të dialogut është në favor të Serbisë dhe rrjedhimisht në dëm të Kosovës.
“Duhet të kemi parasysh që parasysh që procesi i integrimit të Kosovës më tutje në organizata ndërkombëtare varet nga procesi i dialogut. Çdo bllokim i procesit të dialogut i shkon në favor Serbisë për shkak se Serbia ka interes që ta zgjasë pafundësisht dialogun, ndërsa Kosova ka interes që sa më parë ta përfundojë këtë proces për shkak se Kosova e ka shtetësinë të kontestuar ndërkombëtarisht, nuk është e anëtarësuar në OKB, nuk po mundet që të fillojë rugëtimin zyrtar drejt Bashkimit Evropian ani pse u bë aplikimi”, vlerësoi Abrashi.
Madje, sipas tij, aplikimi që iu dorëzua presidencës çeke të Këshillit të BE-së në fund të vitit të kaluar nga Qeveria e Kosovës është bërë në mënyrë formale dhe atë më shumë për konsum të brendshëm.
“Përderisa pesë vende anëtarë të BE-së nuk e njohin Republikën e Kosovës, edhe anëtarësimi në BE do të jetë i vështirë sepse BE si tërësi mban qëndrim neutral ndaj Kosovës për shkak të mos njohjes nga këto pesë shtete”, shtoi Abdrashi duke thënë se prandaj për të ecur tutje në këtë proces është mirë të arrihen rezultate në dialogun me Serbinë. /Teve1.info/
