Zëdhënësi i Partisë Demokratike të Kosovës, Faton Abdullahu, e ka quajtur fjalamane Qeverinë aktuale , si dhe e ka cilësuar çmenduri për atë se çfarë po bënë në kuadër të bisedimeve me shtetin e Serbisë.
Abdullahu ka thënë kujtuar qëndrimet e zyrtarëve qeverisës si opozitarë se nuk ulën në tavolinë me Vuçiqin pa u plotësuar disa kushte.
“Duhet të fillojmë nga zero, nga asgjëja, pse kush i ka fajet? I ka fajet kjo qeveri. S’ke se si ta thuash e ta nënvizosh faktin se po hyn në dialog me Serbinë, në kohën kur dihet se çfarë ke thënë për dialogun dhe uljen në përballje me Serbinë, me Vuçiqin, pra ajo çfarë ka thënë nga perspektiva e sotme kur e shohim dhe çfarë bën kjo qeveri është çmenduri, ngase e dimë që kryeministri dhe të tjerët si ai kanë thënë nuk bënë të ulemi më Vuçiqin, sepse dy pika dhe ka fillu me i rëndit, duhet me i gjet të pagjeturit, Serbia duhet ta njeh Kosovës, duhet këtë, e duhet atë”, ka thënë ai në emisionin “Info Nata” në Tëvë1.
Ai ka thënë se përballja e qeverisë me Serbinë është dështake, dhe sipas tij, më e keqja e marrëveshjes është Asociacioni.
“Po vuajmë nga mungesa e pragmatizmit që shtrohet si arrogancë politike, ngase duke u munduar të shtrojë diçka, të sjellë diçka të re ai harron që disa gjëra kanë qenë shumë të mira dhe është dashur të vazhdohen në përballje me Serbinë, kjo përballje me Serbinë e kësaj qeverie është dështake, dhe më e keqja është se në atë plan në këtë përballje me Serbinë sot ne flasim për Asociacionin, vërtetë për vetëmenaxhimin që faktikisht është vetëmashtrim”, ka thënë ai mes tjerash.
Zëdhënësi i PDK-së, ka thënë se qeveria me titullin vetëmenaxhim është duke bërë vetëmashtrim.
“Kjo qeveri me atë titullim vetëmenaxhim është duke bërë vetëmashtrim për vetën e saj, se neve nuk mundet me na mashtru, s’ka mundur as më herët”, ka thënë ai./teve1.info/.
