Abdixhiku ka thënë se kremta e festës së Pashkëve, është kremtë rikujtuese e ringjalljes dhe ripërtrirjes.
“Kremta e festës së Pashkëve, është kremtë rikujtuese e ringjalljes dhe përtëritjes; dhe kështu është shenjë e ngadhënjimit të vet jetës mbi vdekjen. Gjatë kësaj dite të shenjtë, shembulli i dashurisë, besnikërisë dhe vet sakrificës së Krishtit – i përcjellë me mëshirë dhe shpëtim nga Zoti – mbeten udhëzues të patjetërsueshëm drejt drejtësisë dhe dhembshurisë; drejt paqes dhe shpresës për jetë më mirë”, ka shkruar Abdixhiku në Facebook, transmeton teve1.info
“Le të jetë kjo festë e paqes e dashurisë rreth jush e familjeve tuaja; por mbi të gjitha, le të jetë festë e ripërtrirjes së dashurisë ndaj atheut tonë, Kosovës”, ka thënë ai.
