Kryetari i Lidhjes Demokratike të Kosovës, Lumir Abdixhiku, ka reaguar pas ndarjes nga jeta të Alush Gashi, të cilin e cilësoi si mik të madh, mentor dhe një prej njerëzve më të afërt në rrugëtimin e tij politik.
Abdixhiku tha se Gashi ishte një njeri i urtë dhe i mençur i politikës kosovare, ndërsa kujtoi mbështetjen dhe këshillat që kishte marrë prej tij në momentet më të vështira.
“Më iku një mik i madh. Një mik i vërtetë. Për mua ishte shumë më shumë se kaq. Ishte mentor. Ishte këshilltar”, shkroi ai.
Sipas Abdixhikut, Alush Gashi ishte një nga njerëzit më të sinqertë që kishte njohur në politikë, duke shtuar se do t’i mungojë qetësia dhe urtësia që ai përcillte në çdo bisedë.
Në fund të mesazhit, kreu i LDK-së u shprehu ngushëllime familjarëve të të ndjerit, duke i ftuar të ndihen krenarë për figurën dhe kontributin e tij./teve1.info/
