Në njoftimin e LDK-së thuhet se pas takimit me mërgimtarë në Belgjikë, Abdixhiku do të marrë pjesë në Kongresin e Partive Popullore Evropiane i cili mbahet më 31 maj dhe 1 qershor.
“Në këtë Kongres marrin pjesë liderë të partive të djathta evropiane, të cilat janë anëtare të PPE-së. Po ashtu, kryetari Abdixhiku do ta ketë fjalën e tij, me ç’rast do t’ju drejtohet të pranishmëve për sfidat me të cilat po përballen qytetarët tanë si dhe do të kërkoj mbështetje për Kosovën në proceset integruese, ndërsa fjalimin e tij do ta pranoni në kohë. Kryetari Abdixhiku do të zhvillojë edhe takime me Presidentin e PPE-së si dhe liderë tjerë. Për të gjitha takimet dhe temat e diskutimit do të njoftoheni ndërkohë”, thuhet në njoftim.
Ndërkaq i pari i LDK-së, Limir Abdixhiku ditë më parë ka njoftuar se të dielën (sot) më 29 maj, do të mbajë takimin e dytë bashkëbisedues me bashkatdhetarë në Belgjikë, Holandë e Luksemburg./Teve1.info