Ambasadori i Mbretërisë së Bashkuar, Nicholas Abbott ka thënë se në takimin lamtumirës që pati me kryetarin e Kuvendit të Kosovës, Glauk Konjufca kanë diskutuar edhe për rregulloren e BQK-së, e cila ndalon pagesat me dinarë.
Abbott në Facebook tha se rregullorja e BQK-së duhet të merret parasysh në aspektin e qeverisjes së mirë dhe marrëdhënieve me komunitetin, e jo siç tha ai, vetëm në aspektin e sovranitetit.
“Takimi im lamtumirës me kryeparlamentarin Glauk Konjufca ishte një diskutim i hapur dhe plot humor. Ndër temat e tjera diskutuam rregulloren e BQK-së dhe qëndrimin tim se kjo është një çështje që duhet të merret parasysh në aspektin e qeverisjes së mirë dhe marrëdhënieve me komunitetin dhe jo vetëm në aspektin e sovranitetit”, shkroi ai./teve1.info./
