Sipas tij, Serbia po i kushtëzon vendet e Ballkanit për t’i arritur qëllimet e veta.
“Qëllimi i Serbisë në Ballkanin e Hapur në fakt është ideja që Serbia të konsiderohet dominuese në ekonominë politike të Ballkanit dhe t’i kushtëzoj vendet e rajonit për t’i arritë qëllimet e veta që i ka pasë gjithmonë”, tha ai.
Kurse i pyetur se ka ndonjë lloj kordinimi më të madh në mes liderëve të shteteve në “Ballkanin e Hapur”, Abazi tha se ka duke pasur parasysh që në takimin e fundit janë nënshkruar 19 marrëveshje.
“Unë mendoj që ka 19 marrëveshje të nënshkruara në takimin e fundit… por ideja është që edhe në diskutimet që bëhen gjithmonë do të ketë çështje që do të na ndajnë, na ndajnë edhe këtu brenda rajoneve të Kosovës, por me Shqipërinë besoj që fokusi është që të intensifikojmë bashkëpunimin ekonomik, komunikimin dhe bashkëpunimin në sistemin arsimor që të dyja vendet janë në nevojë të jashtëzakonshme për ta ngritë cilësinë në arsim dhe shkëmbimin e kapaciteteve që i kemi në prodhim”, shtoi Abazi në Tëvë1.
