Abazi në emisionin “InfoNata” në Tëvë1, tha se në Haxh përpos asaj që ftohemi ta njohim si duhet Zotin, ne ftohemi ta njohim edhe njëri-tjetrin.
“Pejgamberi ka thënë se Haxhi është Arafat. Fjala Arafat në gjuhën arabe rrjedh prej aref, është çështje e njohjes. Haxhi është njohje. Përpos asaj se ftohemi ta njohim si duhet Zotin, ne gjatë Haxhit ftohim ta njohim edhe njëri-tjetrin sepse ndoshta s’po e njohim sa duhet”, ka deklaruar ai.
Sipas imamit nga Prishtina, njerëzit duhet të interesohen më shumë për njëri-tjetrin.
“I kemi telashet tona, këto veçori dhe telashe duhet t’ia njohim njëri-tjetrit, duhet me u interesu për njëri-tjetrin. Ai që nuk interesohet për gjendjen e myslimanëve, thotë Pejgamberi nuk është prej tyre. Haxhi na bën ta njohim njëri-tjetrin, t’ia dimë telashet… Islami ynë është fe dinamike, është fe e cila ka ardhur për t’i ofruar njeriut zgjidhje në këtë botë, ka ardhur për të na i bërë së pari Xhenetin këtu, mandej atje”, u shpreh hoxha, Husamedin Abazi. /teve1.info/
