Sipas Abazit si zgjedhje më e mirë do të ishte që Trusti të jetë një prej investitorëve të ardhshëm në një elektranë të re apo një hidrocentral të ri.
“Trusti mund të jetë një prej investitorëve të ardhëm në një elektranë të re, apo në një hidrocentral të ri, apo bashkë me investitorë strategjik të futet në Trepçë. Trepça do investime të fuqishme, Trusi do të mund të ishte një prej tyre. Trusti do të ishte shumë më mirë të investonte në ndërmarrje strategjike të Kosovës sesa themi kjo tendenca për t’i tërhequr paratë nga Trusti, një tendencë shumë e gabuar”, tha ai.
Tutje në emisionin “Ditari në Tëvë1, Abazi theksoi se investimi i trustit në ndërmarrje publike apo shoqëri aksionare do të ndikonte pozitivisht në rritjen e kapaciteteve dhe në punësimin e njerëzve në Kosovë.
“Në projekte të suksesshme Trusti rritet, normalisht edhe numerikisht sepse një investim i mirëfilltë në Trepçë apo në një termoelektranë do të ndikonte pozitivisht në rritjen e kapaciteteve në Kosovë, në punësimin e njerëzve në rritjen e vlerës investuese të Trustit”, tha Abazi./Teve1.info.
