Deputetët e Aleancës për Ardhmërinë e Kosovës kanë pritur në takim Këshillin e Ambasadorëve Amerikanë, të cilëve u kanë kërkuar lobim për liberalizimin e vizave nga Shtetet e Bashkuara.
Sipas një komunikatë për media, është bërë e ditur se shefi i deputetëve të AAK-së ka theksuar se synimi i Kosovës mbetet anëtarësimi në NATO.
“Në takim theksuam se synimi i shtetit tonë është anëtarësimi në NATO, proces ky që do të avancojë përspektiven integruese të Kosovës. Partneriteti me shtetin e IOËA deri më tani ka qenë një tregim suksesi sa i përket bashkëpunimit në forcimin e kapaciteteve ekzistuese të ushtrisë sonë”, ka thënë Tahiri.
Gjithashtu, deputetët e AAK-së kanë kërkuar nga diplomatët amerikan që të ndihmojnë me lobim për liberalizimin e vizave për Kosovën nga Shtetet e Bashkuara të Amerikës.
“Gjithashtu, kërkuam ndihmën e ambasadorëve për lobim në çështjen e liberalizimit të vizave nga SHBA për qytetarët e Kosovës”, ka thënë Tahiri.
Këshillin e Ambasadorëve Amerikanë ka zhvilluar takime edhe me kryetarin e Kuvendit, Glauk Konjufca, si dhe me kryeministrin e vendit, Albin Kurti.
