Zyra për Media e Presidenca e Republikës së Kosovës ka bërë të ditur se ushtruesja në detyrë e presidentes, Albulena Haxhiu, ka ftuar në takim kryetarët e partive politike për të enjten në ora 15:00.
Sipas njoftimit, në këtë takim pritet të diskutohet për caktimin e datës së zgjedhjeve, pas zhvillimeve të fundit politike në vend.
Gjatë ditës së sotme, Haxhiu ka zhvilluar edhe një takim me kryetarin e Komisioni Qendror i Zgjedhjeve, Kreshnik Radoniqi, ku është diskutuar lidhur me datat e mundshme për mbajtjen e zgjedhjeve të jashtëzakonshme. Sipas burimeve, një nga datat e përmendura në këtë takim ka qenë 7 qershori.
Ndërkohë, Aleanca për Ardhmërinë e Kosovës ka konfirmuar pjesëmarrjen në këtë takim.
Në një përgjigje për Teve1, kjo parti ka bërë të ditur se do të përfaqësohet nga lideri i saj, Ramush Haradinaj.
“Po, kemi marrë ftesë nga Albulena Haxhiu për takim lidhur me caktimin e datës së zgjedhjeve, në ora 15:00. Aleanca për Ardhmërinë e Kosovës do të marrë pjesë në takim dhe do të përfaqësohet nga kryetari Ramush Haradinaj”, kanë thënë nga AAK-ja.
