Një kalim i Elia Capriles te Shqipëria do të ishte padyshim i bujshëm.
Java e kaluar e vendosi portierin e Caglari në qendër të vëmendjes për shkak të interesit që u raportua nga FSHF.
Në fakt rezulton se një lëvizje e tillë është skenar thuajse i pamundur dhe për këtë fjala e fundit i takon FIFA-s.
“DAZN” në Itali i ka kushtuar këtij rasti një artikull për të treguar se pasaporta shqiptare nuk do të mjaftonte. Rregullat e FIFA-s janë strikte. Fakti që partnerja e tij (Emili Toshkollari) është me origjinë nga Shqipëria dhe se Elia Kaprile mund të sigurojë pasaportën shqiptare, nuk siguron kalimin nga Italia te Shqipëria.
Kaprile ka luajtur në ndeshje zyrtare me moshat e Italisë. Tek ekipi i parë ndërkohë është grumbulluar, por pa debutuar.
Dhe pse Kaprile nuk është treguar i hapur deri tani për të përfaqësuar Shqipërinë, FIFA thotë gjithmonë fjalën e fundit. Dhe portieri italian nuk përmbush asnjë kriter për t’u veshur kuqezi.
Rregullat e FIFA-s kërkojnë që pas pasaportës, të ketë edhe një lidhje të caktuar me vendin, përmes lindjes, prejardhjes familjare ose qëndrimit të nevojshëm. Për këtë rezulton se aktualisht është thjesht një iluzion që të vendoset nën urdhrat e trajnerit Rolando Maran.
