Nga 1 korriku i vitit 2021, vendet e Ballkanit Perëndimor kanë eliminuar në tersi tarifën e roaming-ut në telefoninë mobile. Por, një gjë të tillë Kosova nuk e ka bërë ende me shtetet e Bashkimit Evropian, kësisoj kosovarëve një thirrje nga shtetet e BE-së, po vazhdon të iu kushtojë shumë. Nga Autoriteti Rregullativ për Komunikimet Elektronike dhe Postare dhe se për këtë, duhet ndryshim në legjislacionin e BE-së.
Ishin kosovarët e parë që po udhëtonin pa viza.
Kjo ishte pamja e Aeroportit Ndërkombëtar të Prishtinës në ditën e parë të vitit 2024.
Por komunikimi me të afërmit po vazhdon të jetë i kushtueshëm.
Kjo pasi Kosova ende nuk ka hequr tarifat e roaming-ut me shtetet e Bashkimit Evropian.
E mungesa e kësaj, sipas ish-kryeshefit të Postës së Kosovës, Xhevdet Smakiqi po i shtyn qytetarët drejt operatorëve të pasigurt.
“Kjo do t’i ndihmonte shumë qytetarët e Kosovës, por në mungesë të kësaj, e kemi parë qytetarët e Kosovës përdorin operatorët e pasigurt të cilët janë shfaqur edhe në rrjetet sociale dhe kemi parë reklama edhe në mediat se sa janë funksionale këta operator. Pra tregu nuk duron dembeli dhe qytetarët e gjejnë mundësinë që të paguajnë sa më lirë dhe të kenë shërbime më cilësore”, shprehet Smakiqi.
Por, a mund të hiqen në tërësi tarifat e roamingu-ut mes Kosovës dhe shteteve të BE-së?
Për këtë, Tëvë1, ka pyetur në Autoritetin Rregullativ për Komunikimet Elektronike dhe Postare.
“Eliminimi i plotë i tarifave të roamingut, respektivisht zbatimi i modelit RLAH (Roam Like at Home) kërkon ndryshimin e legjislacionit te BE”, thuhet nga ARKEP.
Sipas tyre tarifat e roaming-ut u ulën në vitin 2022.
Kjo pas një marrëveshjeje të nënshkruar në Samitin e BE-së në Tiranë, mes kësaj të fundit dhe vendeve të Ballkanit Perëndimor.
“Sa i përket roamingut me Bashkimin Evropian (BE), ju informojmë se pas konsultimeve intensive dhe të gjera, te zhvilluara nga te gjitha palët e interesit nga vendet e BE dhe Ballkanit Perëndimor, përfshirë Republikën e Kosovës, më date 6 dhjetor 2022, 38 operatorë mobil nga Ballkani Perëndimor dhe BE nënshkruan Deklaratën për Roaming në Samitin BE-Ballkani Perëndimor të mbajtur në Tiranë. Nga Republika e Kosovës kjo deklarate është nënshkruar nga Telekomi i Kosovës. Kjo ka ndikuar ne zbritjen e mëtutjeshme te tarifave dhe krijimi i ofertave te reja me plane me te përballueshme për qytetaret”, thuhet nga ARKEP.
Ndryshe, nga data 1 korrik e vitit 2021, janë eliminuar tërësisht tarifat e roaming-ut mes vendeve të Ballkanit Perëndimor.
