Mandati i presidentit aktual të Shqipërisë, Ilir Meta, është drejt fundit. Prandaj, krerët e Partisë Socialiste kanë paralajmëruar që së shpejti do të sjellin propozimet e para me emra konkret për të parin e vendit.
Së fundmi në opinionin publik janë shpeshtuar idetë që në krye të shtetit në Shqipëri, të vjen një kandidat për president nga Kosova.
Por, sipas publicistit, Fatos Lubonja, pavarësisht se kush do bëhet president i ardhshëm i Shqipërisë, do të jetë nën kontrollin e kryeministrit Rama.
E në rast se do zgjidhej dikush nga Kosova, Lubonja thotë se do të krijonte shqetësim për vendet e rajonit.
Ndërkaq kryeredaktori i gazetës shqiptare, Erl Murati, ka treguar për Tëvë1 disa emra nga Kosova që kanë qarkulluar në korridoret mediatike të Tiranës.
Por megjithatë sipas Muratit, Rama do të zgjedhë një figurë lokale.
Kushtetuta e Shqipërisë përcakton se President mund të zgjidhet çdo person 40 vjeç dhe të jetë rezident në Shqipëri në 10 vitet e fundit.
Raporti i gazetarit Shpat Blakçori.
