Ajo përmes një postimi emocional në Facebook ka thënë se Krasniqi ia ka dhuruar Kosovës shumë vite në burgjet jugosllave e vite tjera luftë kundër okupatorit serb.
“Kujt do ti kishe borxh ti, që i dhe Kosovës forcë atëherë kur ish dorëzuar? Ti që i dhurove fytyrë e zë UÇK-së, atëherë kur shumëkush ndihej i frikësuar”, ka shkruar ajo.
Sipas vajzës së Krasniqit, ish kryeparlamentari ka lindur për gjëra të mëdha.
“Prandaj babi, në borxh hyre që ditën kur linde, se linde për gjëra të mëdha! Linde për tu bërë kurban i lirisë që sot gëzojmë dhe urë për të ecur mbi ujërat e trazuara”, ka shkruar tutje ajo.
“2 vite heqje lirie pa të drejt për njeriun më të drejt që kam njohur në jetën time- Babin tim!“Kujt ja patëm borxh këtë Sevdije?!” I kujtoj e rikujtoj këto fjalë që vinë si jehonë e dhëmbin njësoj si herën e parë që i dëgjova! Kujt do ti kishe borxh ti, që i dhurove Kosovës vitet e njëzeta në ilegalitet, vitet e tridhjeta në burgjet jugosllave dhe të dyzetat në luftë kundër okupatorit Serb? Kujt do t’i kishe borxh ti, që i dhe Kosovës forcë atëherë kur ish dorëzuar? Ti që i dhurove fytyrë e zë UÇK-së, atëherë kur shumëkush ndihej i frikësuar? Kujt do ti kishe borxh ti, që gjithë këto vite dhurove, dhurove, dhurove pa mbarim e pa kushte?Edhe në të shtatëdhjetat po i dhuron Kosovës gjithçka nga vetja!Prandaj babi, në borxh hyre që ditën kur linde, se linde për gjëra të mëdha! Linde për tu bërë kurban i lirisë që sot gëzojmë dhe urë për të ecur mbi ujërat e trazuara. Borxh s’ia kishe askujt veç tokës Dardane! Borxhlia është i keq, na thonë gjithnjë, e di që kurrë në borxh nuk hyre!.”.