Në faqen e tij në Facebook, kryetari i Sindikatës së Sektorit Privat në Kosovë, Jusuf Azemi, e ka publikuara kërkesën të cilën ia ka drejtuar kryeministri Albin Kurti, derisa ka kërkuar kompensim pa kushte të mjeteve nga ana e Qeverisë.
“Kërkojmë stimulimin e punëtorëve të sektorit privat në Kosovë nga pakoja për luftimin e inflacionit.
Të premten në ora 9:30 do të mbajmë takim të jashtëzakonshëm lidhur me mospagesën e stimulimit për punëtorët e sektorit privat nga pakoja e lartpërmendur. Nëse nuk ndërmerren hapa tjerë në këtë takim merret vendim për fillimin e protestave e në veçanti dëmtohen spitalet, ambulantat, QMF-të”, thuhet në njoftimin e drejtuar kryeministrit të vendit, Albin Kurti.
Qeveria e Kosovës, në kuadër të pakos për luftimin inflacionit në Kosovë i kishte ndarë nga 50 euro për secilin të punësuar në sektorin publik, derisa punonjësit e sektorit privat i kishte kushtëzuar me ndarje të mjeteve, nëse një gjë të tillë e bëjnë edhe bizneset private ku ata punojnë.
