Në një njoftim për media, IPK-ja ka bërë të ditur se i dyshuari sot kur ishte paraqitur në Aeroportin Ndërkombëtar të Prishtinës “Adem Jashari” dhe gjatë procedurave të kalimit kufitar kishte rezultuar si person i kërkuar.
“Zyrtari i dyshuar është arrestuar nga hetuesit e IPK-së kurse nga prokurori kompetent i është caktuar masa e ndalimit për 48 orë me dyshimin se i njëjti ka kryer veprën penale të “Fajdes” dhe “Detyrimit”. Arrestimi i sotshëm është vazhdimësi e hetimit dhe operacionit të datës 22.02.2022 të zhvilluar nga Drejtoria e për Hetime e Krimit të Organizuar në Prishtinë dhe Prokuroria Themelore në Pejë ku u arrestuan 17 persona të dyshuar për veprën penale të fajdes dhe detyrimit “, thuhet në njoftimin e IPK-së.
IPK-ja ka potencuar se hetuesit në koordinim të plotë me Prokurorinë e Shtetit, do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast. /Teve1.info/
