Shumë nga qytetarët kanë mbyllur edhe bizneset e tyre, në këto ditë zie.
Ngjarja tragjike në Itaewon të Seulit la të vdekur 153 persona, të cilët kishin dalë për të festuar Halloween-in mbrëmjen e së shtunës.
“Ndihem pak i shqetësuar.Duke dëgjuar për njerëz të moshës sime që vdesin, më bën të ndihem i shqetësuar”, thotë studentja Wang Dan Qi.
“Në fakt më pëlqen Halloween dhe kur mendoj për Halloween, Itaewon gjithmonë ka qenë vendi i parë që më ka rënë ndërmend. Është për të ardhur keq që një tragjedi e tillë ndodhi në këtë vend”, thotë Lee Dong Yoon, raporton AP.
Ministria e Brendshme të dielën bëri me dije se numri i të vdekurve mundë të rritet edhe më tej pasi 37 nga të plagosurit vazhdojnë të jenë në gjendje të rëndë.
Rreth 100,000 njerëz ishin mbledhur në Itaewon për të festuar, kjo pasi qeveria e Koresë së Jugut së fundmi kishte lehtësuar masat e pandemisë.
Një dëshmitare e ngjarjes përshkroi situatën në të cilën u ndodhën atë natë dhe mënyrën se si ia doli të largohej nga turma.
“Kishte një panik drejt nesh. Disa britma frike, por edhe konfuzion. Shumica e turmës u bllokua duke shtyrë njëri tjetrin. Njerëzit vetëm vraponin, duke mos ditur se çfarë po ndodh,pastaj u përpoqëm të gjejmë një vend për të dalë nga turma duke pyetur vetën ‘çfarë po ndodh, pse po ndodh kjo?'”ne thjesht donim të ndjenim atë argëtimin e Halloween, 2022, më në fund, me më pak kufizime. Me të vërtetë ishte supozuar vetëm të argëtoheshim, të kalonim mirë por shumë shpejt u bë më shumë se kaq, u bë një tmerr i vërtetë”, tregon ky dëshmitar.
Presidenti i Koresë së Jugut, shpalli ditë zie kombëtare të dielën për nder të viktimave./Tëvë1
