Kurti tha se pas prezantimit të qëndrimit të Qeverisë për targat, ambasadorët patën pyetje dhe pas kësaj, sipas tij, ata thanë se duhet të konsultohen me kryeqendrat e tyre për ta dhënë mendimin lidhur me këtë çështje, raporton Teve1.info
“Së bashku me ministrin Sveçla dhe dy zëvendëskryeministrat, kemi takuar 5 ambasadorët e QUINT-it dhe ambasadorin BE-së dhe me atë rast ua prezantuam qëndrimin tonë. Natyrisht që qëndrimi dhe ideja e tyre ka qenë që gjithçka të spostohet në kohë më shumë muaj. Ne besojmë se kjo është zgjidhja më e mirë. Ata nuk e dinin këtë propozim tonin paraprakisht, patën disa pyetje dhe më pastaj thanë që ju nevojitet që të konsultohen me kryeqendrat e tyre për ta dhënë mendimin lidhur me këtë vendim tonin i cili ishte propozim në mbledhjen e fundit të Qeverisë”, deklaroi ai.
Po ashtu, Kurti tha se për këtë qëndrim janë të njoftuara dhe kryeqendrat e shteteve aleate të Kosovës dhe sipas tij, ato mund t’i thonë udhëzimet që mund t’i kenë në lidhje me këtë çështje.
“Ata tash janë të njoftuar dhe kryeqendrat e shteteve partnere do të mund ta thonë tash pas këtij publikimi edhe qëndrimin e tyre dhe udhëzimet që mund t’i kenë se si në qëllimin tonë të përbashkët e që është ligjshmëria, paqja dhe siguria, të shkojë gjithçka siç është më së miri”, theksoi ekzekutivi i Qeverisë. /Teve1.info/
