Huruglica ka thënë se trusti nuk duhet të ndahet për publikun.
“Trusti nuk duhet të ndahet për publikun. Pavarësisht faktit që në momentet e caktuara kur sheh këtë shkallë të inflacionit dhe këtë gërryerje të mjeteve që janë në Trust, prapë se prapë kthehem te ajo arsyeja tjetër se ne jemi duke e ndarë fatin me pjesën e tjetër të botës”, ka deklaruar ai në emisionin “Këndi i Debatit” në Tëvë1.
Ai thotë se është “trishtim” nëse shteti i lejon qytetarët të tërheqin kursimet e tyre pensionale.
“Problemi më i madh qëndron te guximi apo liria që të shkatërrojmë një sistem që e kemi ndërtuar që 22 vite. Për mua është trishtim nëse shteti i lejon njerëzit që të tërheqin kursimet e tyre pensionale dhe kur arrin moshën 65 vjet ata nuk kanë se çfarë të marrin”, theksoi Huruglica. /Teve1.info/
