Bislimi pas kthimit të tij nga Serbia ka dalë në një konferencë për media, ku tha se kërkesën për pjesëmarrje në Beograd e kanë bërë javën e kaluar dhe e njëjta ka qenë e aprovuar nga pala serbe, raporton Teve1.info
Sipas tij, Serbia nuk është e gatshme të punojë drejt normalizimit të raporteve.
“Sot dhe nesër është paraparë të isha pjesë e dy ngjarjeve në Beograd, dhe kemi pasur të parapara disa takime të tjera intervista për media në Beograd. Kemi paraqitur kërkesën qysh javën e kaluar dhe ka qenë e aprovuar dhe sot gjithçka ka qenë në rregull, derisa në një moment të caktuar na është thënë se Serbia nuk mund të ofrojë siguri. Siguria ka qenë e cenuar. Për neve është një sinjal që Serbia nuk është e gatshme të punojë drejt normalizimit. Ajo duhet ta pranojë se është e dobët për të ofruar siguri për pjesëmarrësit”, ka deklaruar ai.
Ai shton se arsyeja e ndalimit të vizitës është diku tjetër, pasi sipas tij në plan ka qenë që të ofrojnë versionin e Kosovës mbi zhvillimet.
“Arsyeja është diku krejt tjetër për arsye se ne kemi pasur për qëllim që Beogradit dhe korit diplomatik dhe qytetarëve atje, t’i ofrojmë versionin e Kosovës mbi zhvillimet që janë dhe drejt normalizimit të situatës”, tha Bislimi.
Kthimi i zëvendëskryeministrit Besnik Bislimi në Kosovë, është bërë pasi atij iu pamundësua vizita në Beograd në një forum dhe konferencë për tema që kanë të bëjnë me të dyja shtetet. /Teve1.info/
