Nagavci ka thënë se me ish rektorin Sahiti kan pasur bahskëpunim në adresim të sfidave teksa ka theksuar se as ministria që ajo drejton, e as Qeveria nuk ndërhyjnë në autonominë e UP-së.
Sipas saj, është dëshmuar se në emërimin e ish-sekretarit kishte shkelje ligjore, prandaj edhe tha se është i rëndësishëm vendimi i Këshillit.
“Nuk kom pas rast me pa çfarë ka deklaruar ish-rektori. Shpresoj që nuk ka thënë ndonjë gjë sepse nuk ka çfarë të thotë. Kemi pasur bashkëpunim dhe jemi munduar të adresojmë çështje të rëndësishme për UP. Unë dhe as Qeveria nuk ndërhyjmë në autonominë e UP. Është shumë e rëndësishme që Këshilli Drejtues të adresoj problemet që kanë ekzistuar në arsim. Së fundmi u konfirmuar që emërimi i ish-sekretarit paraqet shkelje ligjore. Vendimi është marrë me 8 vota për dhe 5 anëtarë që janë votuar kanë dhënë rezultat”, tha ajo.
Kurse sa i përket ushtrueses së detyrës, Nagavci tha se ajo nuk do të konkurrojë për pozitën e rektores
“Ushtruesja e detyrës e ka marrë detyrën për dy javë ditë dhe ka deklaruar se nuk do të kandidojë për pozitën e rektorit dhe nuk ka ndikim në procedura të mëtutjeshme”, tha Nagavci.
Tutje, ajo për Selim Bezerajn, anëtar i Këshillit që po akuzohet për plagjiaturë, tha se emri i tij është lakuar pa të drejtë sepse sipas saj, ai ka marrë më së shumti vota për anëtarë të këshillit.
Nagavci tha se është momenti i fundit që të kujdesemi për cilësinë në ardimin e lartë.
Zoti Selim Bezeraj përpara se të jetë anëtar i Këshillit Drejtues është profesor. Është hipokrizi që për një persin që është folur 4 vjet nuk është ndërmarrë asgjë. Në momentin kur janë mbajtur zgjedhjet për Këshillin Drejtues edhe atëherë u lakua emri im pa të drejtë. Selim Bezeraj ka marrë më së shumti vota nga senati është momenti i fundit të kujdesemi për cilësinë në arsimin e lartë”, tha tutje ajo.
