Këto deklarata ai i bëri në emisionin “Info Nata” në tëvë 1 pasi që punimet për këtë objekt janë ndalur nga Ministria e Planifikimit Hapësinor.
“BIK-u në Gjilan ka marrë leje nga pushteti paraprak lokal sepse është kompetencë ligjore lejet të lëshohen nga Drejtoria përkatëse ashtu që pas plotësimit të kritereve ligjore Komuna ka lëshuar kushte dhe më pas leje ndërtimore dhe mbi këtë bazë BIK në konsultim me kryesinë e BIK në nivelin qendror janë koordinuar dhe kanë shpallë tenderin, është donacion në vlerë prej 2.3 milionë euro”, tha ai.
Ai thotë se vendimi për pezullimin e punimeve nuk ka bazë ligjore – për çka thekson se edhe Gjykata e Apelit ka vendosur në favor të tyre.
Sipas tij, punimet në këtë objekt janë ndalur me arsyetimin se Ministria por edhe Drejtoria e Urbanizmit ende nuk e kanë pranuar këtë vendim të Apelit.
“Mirëpo arsyetimi i tyre që kërkonin dhe insistonin që të ndërpriten punimet e rifilluara ishte që derisa të na vjen vendimi i Apelit që për ne ishte i pasense. Mendoj që dhënia e lejes dhe kushteve të ndërtimit është përtej ankesave të paraqitura nga qytetarët madje për njoftimin tuaj kemi pasur edhe një inspektim nga Inspektorati tani nga MKRS me pretendime sepse është duke u ndërtuar në afërsi të një monumenti kulturor si Muzeu i qytetit të Gjilanit”, tha ai.
Madje, ai thotë se tashmë në aspektin ligjor kjo çështje është e përfunduar, teksa vlerëson se me këtë rast është krijuar edhe një pasiguri juridike.
“Mendoj se kjo është e zgjidhur në aspektin ligjor sepse vendimet gjyqësore kanë fuqi më të madhe se ato administrative edhe pse nuk e kem i pranuar një vendim nga MKRS i cili sot është shpërndarë në disa portale atë ende nuk e kemi zyrtarisht pranuar konsideroj se me këtë rast është duke u krijuar pasiguri juridike ngase në një procedurë administrative dhe gjyqësore që është shterrur duke shfrytëszu dispozitat ligjore dhe tani është jo e drejtë dhe jo korrekte sepse humbet siguria e qytetarit”, shtoi Sherifi.