Sipas Çollakut, stërzgjatja e dialogut e ndihmon Serbinë, posaçërisht në arenat ndërkombëtare.
“Është një moment i mirë për Kosovën për të përmbyllur marrëveshjen finale. Dialogu i zgjatur e stërzgjatur me Serbinë, në thelb Kosovën nuk e ndihmon, në thelb e ndihmojnë një lloj rehabilitimi të Serbisë, sidomos në arenat ndërkombëtare. E vetmja gjë që nuk i duhet Kosovës dhe çështjes në Ballkan, është stërzgjatja e pafundme në dialog. Ky është një momentum i mirë, që me thënë të drejtën nuk ka meritë Kosova në këtë gjë, por ka meritë kokëfortësia apo lidhja e pashkëputur e Serbisë me Rusinë”, deklaroi Çollaku në emisionin “Infonata”.
Më tej, ai tha se Serbia sot është në një vështirësi nga presioni i madh që ka, prandaj sipas tij, ky moment duhet shfrytëzuar në mënyrë inteligjente nga Kosova, e madje edhe nga ShBA-të, BE dhe vendet mike./Tëvë1.info/
