Kryetarja e Kuvendit të Kosovës, Albulena Haxhiu ka reaguar pas vrasjes së një gruaje dhe një burri në Livoç të Ulët të Gjilanit, si dhe plagosjes së një personi tjetër.
Haxhiu ka shprehur tronditjen për ngjarjen e rëndë, duke u shprehur ngushëllime familjeve të viktimave dhe duke i uruar shërim të shpejtë të plagosurit.
Ajo ka kërkuar nga institucionet përgjegjëse që të zhvillojnë hetime të plota, të paanshme dhe profesionale, në mënyrë që të zbardhen të gjitha rrethanat e rastit dhe përgjegjësit të dalin para drejtësisë.
“Pres nga institucionet përgjegjëse që të zhvillojnë një hetim të plotë, të paanshëm dhe profesional, në mënyrë që të zbardhen të gjitha rrethanat e këtij krimi dhe përgjegjësit të dalin para drejtësisë”, ka deklaruar Haxhiu.
Ajo ka theksuar gjithashtu rëndësinë e mbështetjes për familjet e prekura nga kjo tragjedi, duke bërë thirrje që në këto momente të rënda të respektohen privatësia dhe dinjiteti i tyre./teve1.info/
