Murati tha se një gjë e tillë është e nevojshme pasi për shkak të humbjeve, kompanitë po hezitojnë të vazhdojnë me kryerjen e punimeve.
“Marrë parasysh situatën dinamike në sektorin ndërtimor, kemi ardhur në situatë që shumë kontrata me çmime ndryshe nga tani kanë pas ngecje në zbatim sepse çmimet nuk kanë mundur të përshtatën me situatën në treg dhe shumë punonjës hezitojnë të vazhdojnë, marrë parasysh rritjen e kostove.
Si arsye kemi marrë iniciativë që me projektligj për punë publike kompensimin për inflacion për materialet që janë ndikuar nga inflacioni”, tha Murati.
Sipas tij, të drejtë aplikimi për kompensim kanë operatorët ekonomik që kanë dëshmi mbi rritjen e çmimeve krahas atyre që i kanë paguar, i kanë kontratat valide si dhe ato i kanë nënshkruar para datës 1 prill të këtij viti.
“Të drejtë kanë operatorët ekonomik që dëshmojnë se materialet që janë pjesë e kontratës së tyre kanë pësuar rritje të cimeve e që kontrata është aktive. Parashihet që kontratat e nënshkruara para kësaj date të kompensohen, kurse ato të pas 1 prillit të këtij vitit do të duhej të ishin të përshtatura me çmimet në treg”, tha Murati.
Ai kërkoi që projektligji të trajtohet me procedurë të përshpejtuar.
Ndërsa, Projektligji për caktimin e tavanit për çmimet e produkteve esenciale ka dështuar për të dytën herë që të votohet.
Ky ligj është bartur për seancën tjetër.
Këtë e ka bërë të ditur kryetari i Kuvendit, Glauk Konjufca, pasi në seancë ishin të pranishëm 70 deputetë.