I pyetur nëse politika ka ndikim në UP, Sahiti tha se tentim të ndikimit në këtë institucion ministrja e Arsimit, Arbërie Nagavci, ka shprehur qysh verës, kur sipas Sahitit, Nagavci ka tentuar ta ndërlidhë edhe menaxhmentin si pjesë të zgjedhjeve.
“Edhe zgjedhja e anëtarëve të KD-së është bërë me qëllim që kur të fillojnë mbledhjet në shtator të shkarkohet menaxhmenti. E ata thirren në vlerësimin e performancës së menaxhmentit, është mbledhja e dytë e tyre dhe donë me vlerësu punën e menaxhmentit që ka punu qe dy vjet. Kjo tregon sa është e interferuar ministrja Nagavci në KD dhe përmes tyre në UP”, tha Sahiti.
Ai shtoi se si institucion janë të vendosur që t’i parandalojnë abuzimet e ndryshme dhe interferimet e jashtme, derisa shtoi e për t’i ikur ndikimit nga jashtë UP e ka bërë edhe poentimin e kandidatëve për avancime.
“Prandaj nuk kemi pas ndërhyrje të drejtpërdrejta, por pyetje në cilësinë e interesimit se çka ka ndodhë me atë kandidat, çka ka ndodhë më këtë po kemi pas”, u përgjigj Sahiti në pyetjet e gazetarëve për ndërhyrjet e mundshme të Qeverisë në UP.
Rektori i Universitetit të Prishtinës, Naser Sahiti, tha se mbledhja Këshillit Drejtues të UP-së, në të cilën është paraparë raportimi i tij është thirr kundërligjshëm dhe se është bërë me qëllim të shkarkimit të tij nga pozita.
Sahiti në një konferencë për medie tha se mbledhja është caktuar në ku dështim me statutin pasi nuk është konsultuar as rendi i ditës e as dita e mbajtjes me rektorin e UP-së.
“Ajo mbledhje është caktuar në kundërshtim me Statutin e UP-së pasi neni 20, pika 6 e Statutit thotë që mbledhjet e KD-së thirren nga kryesuesi ose zv.kryesuesi në koordinim me rektorin. Kjo gjë nuk ka ndodh, është bërë duke më anashkaluar mua, e kanë shkruar rendin e ditës por nuk është dakorduar me mua as rendi i ditës e as data, prandaj sipas neve është kundërligjore”, tha Sahiti.
