Sipas njoftimit të Zyrës së Presidentes, thuhet se Osmani gjatë takimit ka potencuar se Kosova i ka plotësuar të gjitha kriteret për liberalizim të vizave.
“Presidentja Osmani ka ritheksuar në takim me ambasadorët se Kosova është vendi më proevropian dhe se populli i saj i ndan të njëjta vlera me popujt e tjerë evropianë. Në këtë kontekst, ka potencuar se Kosova i ka plotësuar të gjitha kriteret për liberalizim vizash, ndaj sipas saj, duhet zbatuar rekomandimi i Komisionit Evropian për heqjen e vizave”, thuhet në njoftim.
Tutje, Osmani ka deklaruar se çështja e vizave nuk duhet të mbetet peng i teknikaliteteve të reja, teksa ka shtuar se vendimmarrja politike duhet të ndodhë gjatë Presidencës Çeke, raporton teve1.info.
“Në të njëjtën kohë, Presidentja Osmani diskutoi me ambasadorët rëndësinë e mbështetjes për anëtarësimin e Kosovës në Këshillin e Evropës me të cilën gjë qytetarëve të Kosovës u mundësohet fuqizimi i të drejtave të njeriut, demokracisë dhe sundimin e ligjit”, thuhet tutje.
