Sipas Murtezaj, Serbia gjithmonë ka hezitim kur vie puna te implementimi i marrëveshjeve.
“Dialogu i Kosovës dhe Serbisë tanimë është një proces i stërzgjatur, është një nga projektet madhore dhe është në kuadër të interesave nacionale të Kosovës. Kjo stërzgjatje e procesit të dialogut është në radhë të parë për shkak të destruktivitetit të Qeverisë së Serbisë, fillimisht hezitimit të arritjes së marrëveshjeve, e sidomos kur vije puna te implementimi i tyre”, deklaroi Murtezaj në emisionin “Infonata”,
Tutje, Murtezaj tha se Qeveria Kurti duhet patjetër të jetë e gatshme për këto bisedime, pasi sipas tij, vetëm në këtë mënyrë Kosova mund t’i avancojë pozicionet e saja.
“E rëndësishme për të gjithë qytetarët e vendit është që Qeveria e Kosovës të jetë e përgatitur në këto bisedime në mënyrë që t’i avancojë pozicionet e saj dhe t’i realizojë interesat e veta në tavolinat e ndryshime negociatore, e që në këtë rast udhëhiqet nga Bashkimi Evropian”, u shpreh ai.
Më tej, Murtezaj tha se vizita e të dërguarit Special për Ballkanin Perëndimor, Gabriel Escobar, lë të nënkuptojë se gjërat janë të koordinuara në mes të aleatëve evropianë dhe amerikanë./Tëvë1.info/
