I ftuar në emisionin “Info Nata” Murtezaj tha se duke pasur parasysh që Serbia është palë destruktive, çështjet si ajo e letërnjoftimeve dhe targave mund të jenë shkak i ndonjë tensioni mes dy vendeve.
“Është një çështje problematike me çështjen e dialogut sepse nuk duhet të lejohet që të rrëshqet si të themi, ky proces i dialogut pas 10-11 viteve që të merremi me çështje të vogla teknike. Jo sepse ato nuk janë të rëndësishme gjithçka është e rëndësishme, letërnjoftimet njohja e tyre, tabelat e makinave regjistrimet. Të gjitha këto janë të rëndësishme, mirëpo duke pasur parasysh që kemi të bëjmë me palë destruktive të Serbisë. Janë gjithmonë potencial për eskalime të situatave, eskalime të tensioneve dhe ne i kemi parë disa muaj më përpara tash ta shohim se si do të jetë reagimi i Qeverisë në këtë kontekst”, tha ai.
Kurse sot i dërguari i posaçëm i Bashkimit Evropian për dialogun, Miroslav Lajçak ka thënë se nuk ka marrë ndonjë zotim nga presidentja Osmani dhe kryeministri Kurti sa i përket shtyerjes së afatit për zbatim të marrëveshjes për targa./teve1.info./
