Escobar së pari do të takohet me presidentën e vendit, Vjosa Osmani dhe pastaj me kryeministrin e Kosovës, Albin Kurti.
“Në orën 08:45, Presidentja e Republikës së Kosovës, Vjosa Osmani pret në takim zëvendës Ndihmës Sekretarin e Shtetit të SHBA-ve, njëherësh të dërguarin amerikan për Ballkanin Perëndimor, Gabriel Escobar”, thuhet në njoftimin e Presidencës.
Bëhet e ditur se pas takimit, Osmani dhe Escobar, do të deklarohen për media.
Ndërsa, me Kurtin pritet të zhvillojë takim në orën 09:50.
Burimet brenda opozitës bëjnë të ditur se Escobar do të ketë takime edhe me liderët e partive opozitare.
Edhe i dërguari i BE-së për dialogun, Miroslav Lajçak, të enjten do të vizitojë Kosovën .
Vizita e tyre në Kosovë kohëve të fundit kanë qenë të shpeshta në një kohë kur po diskutohet për një marrëveshje të afërt ndërmjet Kosovës dhe Serbisë.
Escobar dhe Lajçak ishin për vizitë në Kosovë, e më pas edhe në Serbi edhe në fund të muajit gusht. /Teve1.info/
