Sipas tij, Qeveria Kurti ka rritur polarizimin ndaj opozitës, prandaj Demhasaj tha se seancat e mbajtura nuk përfunduan me ndonjë vendimmarrje.
“Tek çështja e dialogut ky raport kërkon konstruktivitet nga ana e Qeverisë së Kosovës dhe njëkohësisht kërkon edhe zbatim të marrëveshjeve të arritura deri më tash. Takimet e nesërme të Escobar me presidenten Osmani dhe me kryeministrin Kurti, temë kryesore e diskutimit besoj se do jetë dialogu. Në Raport të Progresit vlerësimi më i madh u bë te lufta kundër korrupsionit dhe krimit të organizuar. Partia e cila është në pushtet e ka rritur polarizimin ndaj opozitës, kjo ka ndikuar që një numër i madh i seancave të mos përfundojnë me vendimmarrje”, tha Demhasaj në emisionin “Këndi i Debatit” në Tëvë1.
Komisioni Evropian tanimë ka publikuar Raportin e Progresit për Kosovën, ku ndër të tjerash përmendet sistemi gjyqësor në vend, ku thuhet se administrimi i drejtësisë vazhdon të jetë i ngadaltë dhe joefikas.
Ndërsa lidhur me këtë rast, Osmani ka thënë se Kosova prioritet shtetëror ka anëtarësimin në Bashkimin Evropian./Tëvë1.info/
