Murati ka falënderuar drejtoreshën Albright për mbështetjen e vazhdueshme të qeverisë amerikane në fushën e energjisë, teksa ka shprehur gatishmërinë e tij për të thelluar edhe më tej bashkëpunimin mes dy vendeve.
Në komunikatë thuhet se Programi Kompakt në kuadër të marrëveshjes së nënshkruar mes Kosovës dhe Serbisë kap vlerën prej 236.7 milionë dollarë amerikan.
“Programi Kompakt zbatohet në kuadër të marrëveshjes së nënshkruar ndërmjet Republikës së Kosovës dhe Shteteve të Bashkuara të Amerikës, të përfaqësuara nga Korporata e Sfidave të Mijëvjeçarit dhe kap vlerën prej 236.7 milionë dollarë amerikan”, thuhet në komunikatë.
Sipas Albright, një investim i tillë në Kosovë po bëhet në kohën e duhur, duke konsideruar zhvillimet e fundit me krizën globale energjetike.
“Me këtë rast, Ministri theksoi se ministria që ai drejton mbetet e përkushtuar në mbështetjen e projektit Kompakt, i cili është i një rëndësie tejet të veçantë për qëndrueshmërinë e sektorit energjetik në vend, veçanërisht në diversifikimin e burimeve energjetike .Znj. Albright shprehu gatishmëri të plotë për bashkëpunim të afërt drejt zbatimit sa më të shpejtë të marrëveshjes, dhe theksoi rëndësinë e përfshirjes së grave në fushën e energjisë, siç edhe parashihet me programin Kompakt”, thuhet tutje.