Sipas saj. atë që do të duhej ta bënte Qeveria e Kosovës, po e bën kryeministri shqiptar Edi Rama.
Ajo hodhi kritika mbi Qeverinë duke thënë se po heshtë para akuzave të pandërprera që po bëhen në adresë të Ushtrisë Çlirimtare të Kosovës
“Nuk dëshiroj të shes patriotizëm dhe dhe e kam parasysh rrezikun që mund të tingëllojë patetike megjithatë dua që sot përmes këtij Kuvendi t’i them faleminderit kryeministrit të Republikës së Shqipërisë, Edi Rama. Kryeministri Rama po e bën atë që do të duhej ta bënim ne, por ne po heshtim si politikë, si media, si shoqëri civile, si shoqëri në tërësi që nga fillimi përgjatë gjithë procesit. Në Kosovë pati pak zëra kundër akuzave të pandërprera në adresë të luftës çlirimtare, e pati edhe më pak zëra kundër Gjykatës Speciale. Zërat e shumtë u rradhitën në vallen e një diskursi të shëmtuar dhe i dhanë drejtim të frikshëm gjithë procesit, e megjithatë adresa e gjykatës famëkeqe ishte raporti i Dick Martyt për të cilin askush në Kosovë nuk besonte”, tha ajo gjatë fjalimit të saj në Kuvendin e Kosovës.
Deputetja e PDK-së , theksoi se heshtja e Qeverisë së Kosovës karshi këtyre akuzave do të mbahet në mend si heshtje turpëruese, teksa tha se besimin në luftën çlirimtare të UÇK-së po e kthen triumfalisht kryeministri Edi Rama.
Jam e tronditur që pas përdrorimit të terminologjisë “organizatë e përbashkët kriminale”. Parlamenti jonë heshti dhe po vazhdon të heshtë edhe sot, kjo qasje është dëshmi e mungesës së vlerësimit të historisë tonë. Heshtja e Qeverisë së Kosovës do të mbahet në mend si heshtje turpëruese. Propaganda që kjo Qeveri po e përdor kohëve të fundit është edhe një dëshmi e turpshme e qëllimeve të këqija të kësaj qeverie. Këtë besim dhe këtë vetëbesim e ktheu triumfalisht kryeministri Edi Rama, me paraqitjen e tij në OKB dhe në KiE”, tha ajo./teve1.info./
