“Prokuroria Themelore në Ferizaj, njofton opinionin publik se në bashkëpunim me Drejtorinë për Hetimin e Krimeve të Rënda në Prishtinë edhe sot janë duke vazhduar aksionin lidhur me sekuestrimin e objekteve të ndërtimit në Brezovicë – Zona e II-të, e Parkut Kombëtar “Sharri””, thuhet në komunikatë.
Sipas njoftimit për medie, në këtë zonë janë të ndërtuara rreth 100 objekte në kundërshtim me ligjin.
“Raportet e pranuara lidhur me këtë rast nga Drejtoria për Hetimin e Krimeve të Rënda në Prishtinë dhe nga Agjencia Kadastrale e Kosovës dhe Departamenti për Menaxhim i AMMK-së, vërtetojnë se në këtë zonë, janë të ndërtuara rreth njëqind objekte në kundërshtim me Ligjin për Parkun Kombëtar “Sharri” nr.04/L-087 si dhe Planin Hapësinor për Parkun Kombëtar “Sharri” të aprovuar nga Kuvendi i Kosovës”, thuhet në komunikatë.
Aksioni për sekuestrimin e vilave në Brezovicë i filluar të martën, është vazhdim i rastit të njëjtë “Brezovica” ku ka filluar që nga viti 2016 me ndërprerjen e punimeve në këtë zonë.
Aksionin gjatë ditë dë martë e ka përshëndetur edhe ministri i MPB-së, Xhelal Sfeçla.
