Bogujevci tha se sa i përket liberalizimit të vizave është punuar mjaft shumë në atë drejtim, teksa theksoi se Kosova tashmë i ka përmbushur kriteret e kërkuara por që sipas saj, kjo varet edhe prej shteteve anëtare të Bashkimit Evropian.
Teksa tha se shpreson që shumë shpejt Kosova të ketë një përgjigjë pozitive dhe ta përmbyllim vitin me lajme të mira sa i përket liberalizimit të vizave.
“Çështja e liberalizimit të vizave është në një rrafsh tjetër, mendoj se është punu në atë drejtim. Kosova qe një kohë të gjatë i ka përmbushur kushtet, mbetet në dorën e disa shteteve për të vendosur. Kështu që shpresojmë që shumë shpejtë edhe kjo pjesë ta ketë një përgjigje pozitive dhe ta përmbyllim vitin me lajme të mira, sidomos në një kohë shumë të vështirë që jemi duke kaluar si kontinent por edhe më gjerë”, tha ajo.
Kanë mbetur edhe dy ditë kur Bashkimi Europian do të diskutojë për liberalizim të vizave për kosovarët. /teve1.info./
