Sipas një reagimi publik të Sindikatës së punëtorëve të QKUK-së, KMDLNj e ka vlerësuar si të bazuar kërkesën e infermierëve që mos të mbingarkohen me punë jashtë kontratës së tyre dhe ta lënë pacientin në rend të dytë.
“KMDLNj , vlerëson se ato urdhëresa janë diskriminuese për faktin se infermieret nuk kane përgjegjësi te bëjnë punët e te tjerëve e qe nuk janë përshkruar ne detyrimet qe dalin nga kontrata midis palëve. infermieret nuk mund ta marrin përgjegjësinë e furnizimit me barna gjate vikendit sepse as nuk i përshkruajnë ato barna por e bene mjeku i fushës përkatëse ne baze te cilave edhe sigurohen barnat kurse infermieri i shpërndanë ato”, thuhet në njoftim.
Sipas KMDLNj-së, urdhëresa për punonjësit shëndetësor mund të parashihet vetëm në situata të jashtëzakonshme dhe të përkufizohet për aq kohë sa zgjatë kjo.
Po ashtu nuk mund të jetë në kundërshtim me të drejtat e njeriut.
“Sindikata e Punëtorëve Shëndetësor të QKUK-së falënderon KMDLNJ-në për mbështetjen në kërkesat legjitime për t’ua mundësuar infermierëve në QKUK-së që veprimtarinë e tyre ta zhvillojnë sipas thirrjes, duke e kundërshtuar zhvendosjen e kësaj veprimtarie në rrafshin administrativ dhe të korrierit”, thuhet në njoftim.
Sindikata e Punëtorëve Shëndetësor ka njoftuar se do t’i drejtohet edhe Institucionit të Avokatit të Popullit.
