Ky trajnim ushtarak i cili përfshin masa për të luftuar dhe shkatërruar formacione të armatosura, vije një ditë pasi presidenti i Bjellorusisë paralajmëroi grupim rajonal të trupave, të përbashkët me Rusinë.
Komandanti i Forcave të Ukrainës, Serhiy Naev thotë se trupat e Kievit po përgatiten pasi që rreziku ekziston.
“Rreziku ekziston sepse Republika e Bjellorusisë është aleate e Federatës Ruse në agresionin kundër Ukrainës. Prandaj ne vlerësojmë të gjithë spektrin e kërcënimeve dhe aplikojmë mjete, në mënyrë që ato kërcënime të mos zbatohen nga armiku kundër Ukrainës”, tha Komandanti i Forcave të Përbashkëta të Ukrainës, Serhiy Naev.
Presidenti bjellorus, Alexander Lukashenko tha të hënën se ai dhe presidenti rus Vladimir Putin ranë dakord të krijonin një “grupim rajonal të trupave” të përbashkët, por nuk ofroi detaje se ku dhe kur mund të vendoset një grupim i tillë.
Deklarata e Lukashenkos vjen pas pretendimeve të tij të përsëritura se Ukraina po planifikon një sulm kundër Bjellorusisë.
Nga ana tjetër, ministri i Mbrojtjes i Bjellorusisë, Victor Khrenin përjashtoi mundësinë e pjesëmarrjes aktive të forcave të vendit në luftën në Ukrainë.
Në më shumë se shtatë muaj që nga pushtimi i Ukrainës nga Rusia, nuk ka pasur asnjë tregues se forcat e Kievit po planifikojnë një sulm ndaj Bjellorusisë./Tëvë1/
