Kampioni në fuqi i Italisë, Milani, nuk ka lejuar befasi as në derbin ndaj Juventusit në xhiron e nëntë të elitës së futbollit italian.
Milani të shtunën në “San Siron” e stërmbushur e me atmosferë të zjarrtë, fitoi ndaj Juventusit me rezultatin 2:0, me nga një gol në secilën pjesë.
Fikayo Tomori shënoi në minutën e parë të shtesës në pjesën e parë. Ai realizoi nga afërsia.
Golin e dytë e realizoi Brahim Diaz, i cili aksionin individual të nisur në gjysmën e fushës, e përfundoi me gol të shkëlqyer.
Milani në nëntë ndeshje ka 20 pikë dhe mbetet sipër në tableë.
Juventus konfirmon se është në krizë rezultatesh, pavarësisht se kishte shënuar dy fitore rresht, në ligë e në Ligën e Kampionëve.
Pas nëntë xhirove mbetet me 13 pikë në mesin e tabelës.