Ndër çështjet që i përmendi, Vuçiq foli edhe për vendimin e Qeverisë së Kosovës që targat ilegale me simbole qytetesh të kthehen në RKS.
Lidhur me targta, Vuçiq ka ironizuar ndaj kryeministrit të Kosovës, Albin Kurti, duke aluduar në videot që Kurti i bëri në serbisht për t’iu kërkuar qytetarëve serbë që të respektojnë vendimin e Qeverisë.
Vuçiq tha se vetëm nëntë serbë dëgjuan “zërin melodik” të Kurtit dhe e zbatuan vendimin.
“Aq shumë e dëgjuan serbët zërin melodik të Albin Kurtit saqë nëntë prej tyre i riregjistruan [automjetet] nga gjithsej 9 mijë. Kaq për besimin. A do të bëjnë ndonjë gjë serbët, nuk e di. Dhe çfarëdo që të ndodhë, miqtë nga Quint do të jenë me ta”, ka raportuar B92.
Sipas gazetës, Vuçiq tha se me zhvillimet në Ukrainë, Perëndimi do të shtojë presionit mbi Serbinë, veçanërisht në “çështjen e Kosovës”.
