I ftuar në emisionin “Info Nata”, Sogojeva theksoi se sektori i hotelierisë është një prej sektorëve më të atakuar që prej pandemisë e që sipas tij, kjo po dëshmohet edhe në bazë të analizave në përgjithësi ku diku 30 për qind e bizneseve po rrezikojnë që të falimentojnë.
“Tash e kemi paraqitjen me këto çmime drastike të cilat në bazë të analizave na del që 42% të produkteve bazë që duhet me i marrë ky sektor që të furnizohet është më i shtrenjtë. Tash llogarite anën tjetër kur e kemi rastin që këto shërbime nësë rriten atëherë ku është klientela mund të humbet klientela, sepse nëse kemi 42 për qind të rritjes së çmimit bazë atje duhet me u rrite edhe shërbimet bazë për 42 për qind. E tash nëse ti e ke pi kafën me 1 euro ty duhet me të dalë diku afër 1 euro e 50”, tha ai.
Sa i përket vështirësive që po kalon ky sektor Sogojeva tha se problem tjetër gjatë këtij dimri do të jetë edhe reduktimet e paralajmëruara të energjisë elektrike.
“Nëse kemi reduktime të rrymës gjatë dimrit krejt këto biznese duhet me i’u nënshtru hargjimit të naftës dhe me këtë krizë që e kan dhe plus paraqitja e naftës, plus klimat jo nga shteti, atëherë me siguri që kemi me ardhë te ajo që po e them”, tha ai./teve1.info./
