Kjo pasi Stacioni Policor në Gjilan, kishte marrë ankesë nga një bankë komerciale, se në një prej bankomateve janë deponuar para të falsifikuara në vlerë prej 100 €.
Në njoftim thuhet se të dyshuarit në bashkëveprim me njëri tjetrin kanë vënë në qarkullim në qytetin e Gjilanit bankënota të falsifikuara të vlerës 100 €.
“Njësiti i Hetimeve të Stacionit Policor Gjilan pas një pune të organizuar mirë operacioanle ka arritur që të siguroj prova të mjaftueshme se katër të dyshuar Kosovar Shqiptar A.M. (2004), E.D. (2004), L.M. (2004) dhe R.D. (2002) në bashkëveprim kanë vënë në qarkullim në qytetin e Gjilanit bankënota të falsifikuara të vlerës 100 €”, thuhet në njoftim.
Bëhet e ditur se të njëjtit janë arrestuar nga Policia, kurse për rastin është njoftuar Prokurori i Shtetit.
“Të dyshuarin janë lokalizuar dhe arrestuar nga ana e zyrtarëve policorë të cilët janë sjellë në Stacionin Policor Gjilan ku dhe janë intervistuar në bazë të procedurave ligjore. Në lidhje me rastin është njoftuar Prokurori i Shtetit i cili ka urdhëruar që ndaj të dyshuarve të ngritët kallëzim penal për veprën penale ,,Falsifikim i parasë’’ dhe katër të dyshuarit e lartcekur të ndalen në mbajtje për 48 orë”, thuhet tutje./tëvë1.info./
